Este ano na aula contamos con dous novos recursos, a caixa das cancións, que contén caixiñas pequenas, aportadas moitas delas polas familias, moitas grazas, e dentro de cada caixiña hai un obxecto que nos evoca unha canción. Está sendo todo un éxito, incluso xa recordan onde está cada obxecto, por iso de cando en vez toca cambialos para sorprendelos un pouquiño.
E o outro recurso é a caixa da des-conexión, unha caixa a que poden acudir cando están nerviosos, inquedos ou non son quen de seguir a actividade que están facendo ... a idea é que acodan eles sós, pero de momento non o conseguimos, iremos vendo que cambios podemos facer para que eles se autorregulen e sexan conscientes de cando necesitan parar e desconectar para volver a conectar co que estaban facendo... quizáis cambiando o que hai dentro, algo pensaremos... admítense suxerencias.
